فراق المحبوب كيتو كيا
جرحو في قلبي مالقيت دواه
بعد غزالي ما ترجالي حيا
من بعد العشرا كيف ننساه
ننده احبابي في كل ثنيا
وغزالي يا خوتي وين نلقاه
نبكي دموع ويدان قويا
نار في ڨلبي سامر معتاه
اصبر يا ڨلبي شكون حاس بيا
وين الحبوب لي كنت معاه
مابقات محبة وخابت النيا
وراب الحيط لي بنيتو معاه
كتاب القرآن لي ديتو هديا
اسمك على صدرو نقشناه
يا شاكي لناس وحلتها بيديا
ڨلبو لحنين عني ما اڨساه
مثلتو طير درتو جنحيا
لحمام لي ربيتو عشو خلاه
انا لكفيف ومحبوبي عينيا
النور لي شاعل اليوم طفاه
يا ڨاسي عن الناس وين الحنيا
ڨلبي مع المعشوق راح معاه
✒️ بقلم الشاعر: جسار